Þriðjudaginn 6. október sameinuðumst við börn og kennarar á Akri í
friðargöngu í kringum fallega skólann okkar. Eftir gönguna mynduðum við
friðarhring á skólalóðinni og sungum saman ,,Myndin hennar Lísu" um leið
og við nutum þess að senda okkar friðsælu, kærleiksríku  orku út í
samfélagið.

Laugardaginn 29. ágúst fóru elstu börnin í leiksólanum í Friðarsiglingu með Húna II. Markmið ferðarinnar var að senda út flöskuskeyti sem þau höfðu útbúið. Þessi sigling var í tenglum við Heimsgöngu, í þágu friðar og tilveru án ofbeldis. Gangan sjálf hefst á fæðingardegi Gandhis, 2. október 2009 á Nýja Sjálandi, stendur yfir í 3 mánuði og endar við rætur Aconcagua, hæsta fjalls Suður-Ameriku 2. jan 2010.

Lesa meira...

Vinakeðja í kringum tjörnina
Heimsganga Hjallaþorpsins var gengin í morgun. Barnahópurinn gekk ásamt kennurum við glaðlegan trommuslátt niður að tjörn þar sem allir tengdust vinaböndum. Þar var sungið svo undir tók um veröld alla! Þetta var ótrúlega kærleiksrík stund með þessum stórmerkilegu börnum.

Heimsgangan hyggst nú í samvinnu við mörg samtök og einstaklinga standa fyrir friðar-gjörningi á Miklatúni kl. 20.00, 2. Október n.k í tilefni af upphafsdegi Heimsgöngunnar þennan dag.

Með þessu er einning haldinn hátíðlegur „Dagur án ofbeldis“ (Day of Nonviolence) sem Sameinuðu þjóðirnar hafa helgað þessu málefni.

Nánar: www.daguranofbeldis.info og myndband sem sýnir mannleg friðarmerki víðsvegar um heiminn:Myndband

Lesa meira...